सुस्वागतम् MY SCHOOL या ब्लॉगवर आपले सहर्ष स्वागत आहे.

कोडे

१. पहाटे गजर होतो ,घड्याळ नव्हे,डोक्यावर मुकुट पण राजा नव्हे----

२.पाने आहेत पण झाड नाही,पुष्कळ काही सांगते पण शब्द उमटत नाही--

३. खाते. पिते-जगते, उंच वाढते पण एक शब्द बोलत नाही की पाऊलभर चालत नाही---

४.राजा आहे पण राज्य नाही,वजीर नाही, राणी आहे, गुलाम आहे,पण दासी मात्र एक ही नाही हजर---

५.लाल, पिवळा रंग लाकूड फाटा खाऊन जगतो आणि काय नवल ? पाणी पिताच मरून जातो---

६.नाही उठणे , नाही चालणे,काही खाणे ना पिणे पण एकसारखे बोलणे नाही तर गाणे हेच याचे जिणे---

७.एवढेसे तोंड पण गर्जना कानठीळ्या बसवणारी कोण अशी ही दिसायला साधी , पण सर्वांना भय दाखवणारी ---

८.कोणता पक्षी असा रंग सुंदर गहिरा की? ज्याच्या शेपटावर चमकतात रुपये मोहोरा?

९.दुधाचा सारा एकच वाटोळा प्याला ! पण मेजवानी मात्र लग्नाच्या वऱ्हाडाला---

१०. हात नाही पाय नाही , डोके नाही , धडही नाही , तरीही  साऱ्या माणसांना  विसावा देई.असे कोण सई----

११.तळहाताएवढे शेत -शेतात तळे-तळ्यात वेलीचे मूळ पण वेलीला मात्र लागले पिवळेधमक आगीचे फूल---

१२. रात्री थोडा पाऊस पडे रानी, जलबिंदू चमकती पानोपानी पण चिमणीचीही तहान भागेना असे कोणते पाऊसपाणी---

१३.नाही थिएटर, नाही तिकीट,नाही स्टेज नाही पडदा दावी घरबसल्या सर्वांना चित्रपट कोण जादुगार एवढा ?

उत्तरे-(कोंबडा, पुस्तक, झाड, पत्ते, विस्तव, रेडीओ, तोफ, मोर,चंद्र आणि चांदणे, घर, दिवा, दवबिंदू, दूरदर्शन )