विज्ञान कोडे

१.स्थायू, द्रव , वायू रूपे त्याची तीन , संस्कृतमध्ये त्याला म्हणतात जीवन---

२. सावली देते झाड नाही, पाणी देते आड नाही---

३. लुकलुक डोळे रात्रभर जागतात , सकाळी पाहिले तर छुमंतर होतात---

४. येता वसंतऋतू  गाणी गोड गाते,कावळ्याच्या  घरट्यात अंडी कोण घालते---

५. रूप दाखवतो पण आरसा नाही,हातात धरुनी पाहता येत नाही---

६. गुण गुण गाणे गुणगुणतो , फुकट सर्वांना इंजेक्शन देतो---

७. रिकामी दिसे परि रिकामी नसे , बाटलीत सांगा त्या काय बरे असे---

८.वाजते खूप  पण  ऐकू येत नाही,बंडीविना मात्र ती सोसत नाही---

९. सशासंगे शर्यत जिंकली काल , पाठीवर मिरवितो बक्षीसाची ढाल---

१०.तयार करता येते पण साठवता येत नाही,ती बहुपयोगी आहे पण कुणा दिसेना---

११. तीन भाऊ तीन तऱ्हेचे एक गरम त्रास देतो फार, दुसरा बरसे अमृतधार , तिसरा कधी करी बेजार , कोण बरे ओळखा---

१२. धातू आहे पण धरता येईना , पडता खाली हाती लागेना ---

१३.सजीव असुनी चालेना , दिवसा प्राणवायू घेईना , दानशूर मित्र मानवाचा माहित आहे का सर्वांना---

१४.पंख आहेत पण पक्षी नाही, अंडी तर तो घालत नाही अंधारातच भक्ष्य शोधतो, उलटे टांगून दिवसा झोपतो---

१५. पंधरा मिनिटांत करतो कमाल, तीन मजल्यावरील शिजवतो माल , आहे तो  फार कामाचा नक्कीच तुमच्या ओळखीचा---

उत्तरे-(पाणी, ढग, चांदण्या,कोकिळा, पाणी, डास, हवा , थंडी, कासव, वीज, ऋतू, पारा, झाड, वाटवाघूळ, प्रेशर कुकर )