कोडी
पातळ पदार्थ कितीही
टाका त्याच्या पोटात
पोट काही भरेना
पोटात
काही उरेना.
-----------------------------------------------------------------------------------
कुणाला जवळचे
कुणाला लांबचे
डोळे असुनी दिसेना
मदत
करतो मी त्यांना
---------------------------------------------------------------------------------
सुखात दुःखात
सहज येतात
कोमट खारट
ते
असतात
-------------------------------------------------------------------------------
पाण्यात राहतो
जमिनीवर राहतो
पावसाळ्यात फक्त
बड्बडगीत
गातो.
-------------------------------------------------------------------------------
समोरासमोर तोंडे त्यांची
दुसऱ्यापेक्षा पहिला दुप्पट
ओळखा पाहू ? कोडे सोपे
डोकं
चालवा फटफट
-------------------------------------------------------------------------------
रिमझिम पाऊस पडला छान
पडले पिवळे लख्ख उन
सप्तरंगी सुंदर ड्रेस घालून
सांगा
बरे आले कोण ?
---------------------------------------------------------------------------------
मातीत राहतो , मातीच खातो
उलट-सुलट चालू शकतो
शेतकऱ्याचा मित्र
सांगा
बरे तो कोण ?
------------------------------------------------------------------------------
नभ नगरीची सोनेरी परी
नाचते
फार छान अंधारी
-------------------------------------------------------------------------------
असुनी पक्षी तो
अश्वाहूनही वेगे धावे
धावताना वर्तुळाची
छान नक्षी
काढे
---------------------------------------------------------------------------------
एका शिंगाचा एकमेव प्राणी
कातडी कणखर
चिलखतावाणी
-----------------------------------------------------------------------------------
गंमत गाणी गोड गोष्टी
ज्ञान आंनद देतो सदा
आहे तुमचा तो मित्र
रागवेना कधीच तो
उत्तरे-नरसाळे,चष्मा, अश्रू, बेडूक , ६३, इंद्रधनुष्य,
गांडूळ, वीज,शहामृग,गेंडा, पुस्तक.